Maibilang a pagibasaran iti panangwaswas ti kasar ti panangilimed iti sexuality iti asawa.
Dayta ti impaganetget ti Korte Suprema iti kaso dagiti agassawa a pinalubosan ti Second Division a ma-annull gapu iti panangilimed ti lalaki iti panagbalinna a homosexual sakbay ti panagkallaysada.
Rumrumuar a nagam-ammo iti social media dagiti dua ken nagbalin a long-distance ti relasyonda idi nagtrabaho ti lalaki idiay Saudi Arabia.
Ngem idi naikasarda ket nagdennada iti nabiit a panawen ngem lumikliklik ti lalaki tapno saan a makaasideg iti asawana.
Kalpasan ti mano a bulan sipud naikasarda ket saanen a kinapatang ti lalaki ti asawana ken naduktalanna a homosexual.
Nangipila iti annulment petition ti babai ken kunana a linoko isuna ti asawana ta inlimedna ti husto a kinataona.
