--Ads--
Inlawlawag ti Commission on Elections dagiti agwarwaras iti social media mainaig iti panangitandudo ti manual counting inton 2028 elections.
Segun ti Comelec, ti impormasion a nakaipalaon iti facebook post ket awan ti kina-agpayso na ken pinasingkedan ni Comelec Chairman George Erwin Garcia a saan a naggapu daytoy iti ahensia.
Iti posts ket makita a maipagarup nga imbaga ni Garcia nga idurduron na ti manual counting para iti 2028 National and Local Elections.
Impaganetget ti Comelec nga agtaltalinaed a sumursurot da iti linteg ken agtultuloy a maipatungpal daytoy inton sumaruno nga eleksion.
-- ADVERTISEMENT --
Kiniddaw ti ahensia ti publiko nga agbalin a nasirib ken siguradoen a beripikado dagiti impormasion a mabasbasa ken maibingay iti online.
