Pinasingkedan ni Retired police colonel Royina Garma nga isubsublina laeng ti talek dagiti tattao iti Philippine National Police nu apay nga imbutaktakna ti pudno maipanggep ti brutal drug war iti napalabas nga administrasyon.
Dayta ket kasaruno ti panangaminna iti quad committee inaig ti panangpatungpal ni dati a president Rodrigo Duterte ti reward system kadagiti police officers a makapatay kadagiti karaman ti drug list.
Ti reward system ket maipada ti Davao template nga aggatad ti P20,000 agingga P1 million per hit.
Segun ken ni Garma, naamirisna a ti kinapudno ket waya-wayaanna ti maysa a tao ket namnamaenna a makaipaay iti pagsayaatan para ti pagilian ti imbutaktakna nangruna kadagiti ubbing a masakbayan.
Impaganetgetna pay a masapul nga agaramid iti addang tapno maisubli ti talek iti publiko iti PNP tapno maipatungpal ti reporma iti biangda.
