Pinasingkedan ti Department of the Interior and Local Government (DILG) ti panangiparit ti panagusar ti government-owned vehicles no weekends ken holidays kalaksidan no direkta a mausar iti opisial a trabaho segun iti Memorandum Circular No. 2026-011.
Impaganegtget ti ahensia a ti saan nga otorisado a panagusar kangrunaan iti personal a rason ket panaglabsing iti pagannurotan ti accountability ken integrity.
Sakop ti patakaran ti amin nga opisial ken empleyado iti probinsia, siudad, munisipiyo, ken barangay kasta pay dagiti kameng ti Philippine National Police, Bureau of Fire Protection, Bureau of Jail Management and Penology, ken DILG.
Nadakamat iti circular ti 1987 Constitution, RA 6713, Administrative Code of 1987, ken Administrative Order No. 239 a mangibilbilin a ti government vehicles ket mausar laeng iti opisial nga addang.
Nagballaag ti DILG a mabalin a sumango iti administrative wenno criminal charges tis sinuman nga aglabsing iti regulasion.
