Opisyalen nga indeklarar ti Philippine Atmospheric Geophysical and Astronomical Services Administration (PAGASA) a pormalen a nangrugi iti panagtutudo iti pagilian.
Segun ti state weather bureau, maibasar dayta iti obserbasyon a panagtudtudo iti napalabas a lima nga aldaw maipanggep iti Southwest Monsoon wenno Habagat a nakaapektar iti lauda paset iti Luzon ken Visayas.
Kinuna ti PAGASA a ti pattern iti panagtudo ket nalawag nga indikasyon iti panagserrek iti rainy season.
No pay kasta ket impalagip ti ahensya a posible pay ti maaw-awagan a monsoon breaks wenno temporaryo a panagkapsot ti tudo a posible nga agpaut iti sumagmamano nga aldaw wenno lawas.
Nagballaag pay ti PAGASA nga iti baet ti panagtudo ket posible a marikna latta iti napigpigsa pay a tudo gapu iti Habagat kangrunaan idiay Luzon ken Visayas gapu iti posible nga epekto iti El Niño.
