VIGAN CITY – Agtultuloy ti imbestigasyon nga isaysayangkat dagiti kameng ti Tagudin municipal police station kadagiti nakemmeg a suspek iti panagtakawan idiay Ilocos Sur District Hospital- Bio, Tagudin.
Nabigbig dagiti suspek a da Michael Paysall Janill, agtawen ti dua pulo ket tallo a taga Banawe, Quezon City ken dagiti dua a menor de edad nga agpada nga agnaed idiay Brgy. Blas, Bangar, La Union.
Maibasar ti CCTV footage, nakita a simrek dagiti suspek iti powerhouse ti Ilocos Sur District Hospital- Bio, Tagudin ket innala da ti aircon nga aggatad ti tallo pulo a ribo a pisos, dua a baterya nga aggatad ti sangapulo ket uppat ken transformer nga aggatad ti lima a ribo a pisos.
Nakemmeg dagiti suspek babaen iti naiwayat a hot pursuit operation ket adda dan iti ikot dagiti pannakabagi ti linteg para iti proper disposition.
