VIGAN CITY- Respetaren ti Kamara ti panagsukat ti liderato iti Senado babaen kenni Senate president Vicente Sotto III a nangsukat kenni dati a senate president Koko Pimentel.
Segun kenni house justice committee chairman Reynaldo Umali, ti panagbalbaliw ti liderato ket napagtutulagan iti nagabaetan dagiti senador isu nga awaten da kas panangrespeto iti inter-chamber courtesy iti nagbaetan ti Senado ken Kamara.
Namnamaen met iti agpanpanday linteg a babaen iti baro a liderato ket mangipaay iti ad-ado pay a pagsayaatan para iti Senado kas maysa nga institusyon.
Kabayatanna, pinatalgedan ni Umali a saan nga agbalbaliw ti liderato idiay Kamara agsipud ta agtaltalinaed nga adda kenni House Speaker Pantaleon Alvarez ti talek ken kompyansa iti supermajority iti kamara.
