Pinasingkedan ni Bise Presidente Sara Duterte a maysa nga impeachable offense ti panagpirma ni Presidente Ferdinand Marcos Jr. iti 2025 national budget.
Inaramid ni Duterte ti statement kalpasan nga imbaga ti Malakanyang nga awan ti maipagarup a naaramid nga impeachable act ti Presidente.
Pinermaan ni Presidente Marcos ti 2025 national budget ket nagbalin a kontrobersial kalpasan a mainaig iti maanomalya a flood control projects ken insertions.
Innayon pay ni VP Sara a mabalin pay a basaran ti impeachment iti panagkedked a sumango kadagiti saludsod mainaig iti abilidad na a mangidaulo ken ti maipagarup a panagaramat ti illegal a droga.
Kabayatanna, impaganetget ti opisial nakasagana isuna a dumalan iti imbestigasion no kwestyonaran da ti abilidad na kas opisial.
