Maysa ti natay iti napasamak a panagpipinnaltog idiay Sitio Agdamay, Barangay Budac, Tayum, Abra.
Nakaawat ti Tayum Police Station iti tawag mainaig iti pasamak ket dagus a napanda iti lugar nga isu ti gundaway a nakangngegda iti maysa a putok ken nakitada ti maysa a black Ford Ranger XLT pick-up.
Ti biktima ket ti drayber ni Jomel Barbieto Molina a ni Jay-ar Tanura nga immuna a nakemmeg ta adda ikotna a caliber 45 pistol, tallo a magasin nga adda balana ken maysa pay a caliber 45 pistol nga adda magazine-na
Iti pannaki-uman ti Bombo Radyo Vigan ken ni PLTCOL Daniel Pel-ey, nagrana ti grupo ni Walter Tugadi, agpaidasig nga SB Member ti ili ken grupo ni Kathlia Alcantara, agpaidasing a para-Mayor ti Tayum, kaduana ni PB Ryan Luna nga agkamkampanya iti lugar.
Pinaputokan ti grupo ni Alcantara ken Luna ti kakadua ni Tugadi ket nadunor ni Jordan Barcena.
Natirwan met ni Tanura a puon ti nakatayanna.
