Opisyal nga indauluan ni President Ferdinand Marcos Jr. iti panaglukat iti baro a port facility idiay Camiguin – ti Benoni Port Light Craft landing station.
Ti baro a port nga aggatad iti P86.9 million ket manamnama a mangpasayaat ti turismo ken economic activity iti rehiyon.
Ingkari ti presidente nga agtultuloy ti addang ti gobierno tapno papigsaen ti inter-island connectivity iti Northern Mindanao ken Central Visayas.
Ininspeksyon pay ti presidente ti P171.3 million Benoni Port operations building.
Malaksid ti Benoni Port, agtultuloy iti panagdur-as ti Port of Balbagon ken Port of Guinsiliban tapno mapapigsa pay ti connectivity ken accessibility idiay Camiguin.
Binisita pay ti presidente ti Camiguin General Hospital ken kinitana no maipatpatungpal ti Zero Balance Billing Program iti gobierno.
