Pinasingkedan ti Malakanyang a ti aplikasyon ni dati a Presidential Spokesman Harry Roque iti asylym idiay Netherlands ket wagasna tapnon maliklikan dagiti pammabasul kontra kenkuana iti imbestigasyon ti House Quad Committee.
Segun ken ni Palace Press Officer Usec Atty. Claire Castro, uray no saan pay a nagapply iti asylum idiay Netherlands ket ammodan a saanen a nagpakita iti aniaman a Quad Comm hearing ta pimmanaw iti pagilian ken saanen a nagsubli.
Gapu dayta, patienda a wagasna daytoy tapno saanen a masaludsod pay kadagiti imbutaktakna iti Quad comm hearing mainaig iti transaksyonna.
Maipalagip nga idi napan a lawas ket kinumpirmaran ni Roque a nagapply ti asylum idiay Netherlands kalpasan ti pannakairuar ti arrest warrant kontra kenkuana maiaig iti imbestigasyon ti POGO.
