Maipalubos iti panagkalubbon ti motorsiklo ditoy probinsya ngem kasapolan a suruten iti pakpakauna a guidelines ti IATF a mangikabil iti shield wenno harang iti nagbaetan ti driver ken backrider.
Segun kenni Governor Ryan Singson, mapalubosan iti panagkalubbon ngem kasapolan a suruten iti nasao nga addang ti DILG ken IATF tapno maliklikan iti panagwaras iti COVID19 ken dagiti laeng agasawa iti mapulubosan nga agkalubbon.
Iururay ti provincial government a maaprubaran ti kiddaw ti probinsya a mapalubusan iti panagkalubbon dagiti tattao nga agnanaed iti maysa a pagtaengan.
Immunan nga impakammu ni Vigan City Mayor Juan Carlo Medina a saan a maipalubos iti panagkalubbon iti motorsiklo ti siyudad agingga nga awan iti nalawag a guidelines manipod ti IATF.
