Inaprobaran ni President Ferdinand Marcos Jr. ti plano a panaggatang iti ad-adu pay a multi-role fighter jets.
Saan pay a nangted ti naan-anay a detalye ni AFP chief Romeo Brawner Jr. no ania a klase ti fighter jets ti mainayon iti fleet ti AFP.
Ngem no man pay kasta, inyunay-unay ni Brawner a saan pay nga umdas ti bilang dagiti assets tapno madepensaran ti pagilian, isu a kasapulan ti ad-adu a jet fighters ken multi-role fighters.
Kabayatanna, immunan a kinuna ni Brawner a masapul nga i-update ti AFP ti radar system ken radar system-da iti sidong ti Horizon 3 phase ti modernization program.
Adda pay laeng sumagmamano nga item ken programa a saan pay a nalpas iti sidong ti Horizon 1 ken 2.
Maipalagip a nagpanawagan ti National Security Council (NSC) ti Kongreso ken Senado a mangsuporta kadagiti programa a mangpapartak iti modernization ti military.
