Bimmaba iti 35.5 percent ti panaggastos ti gobierno para iti imprastraktura idi Mayo 2026, gapu iti nainget a panagadal ken beripikasion dagiti payment claim ken dokumento dagiti contractor, nangruna kadagiti proyekto ti Department pf Public Works and Highways kasaruno ti isyu iti flood-control corruption.
Daytoyen ti maika-sangapulo ket maysa nga agsaruno a bulan a panagbaba ti infrastructure spending no ikumpara idi napalabas a tawen.
Nupay kasta, namnamaen ti Department of Budget and Managament a pumaspas ti panaggastos kadagiti sumaruno a bulan babaen iti panagtultuloy dagiti prayoridad a proyekto ken pannakaipatungpal ti UPLIFT program.
Mailatang pay ti nayon a pondo para iti fuel assistance, cash assistance, fertilizer subsidies, modernisasyon ti Armed Forces, railway projects, ken school building program tapno masuportaran ti ekonomia ken dagiti sektor nga apektado iti nainlubongan a krisis.
