Maibasar iti rekord manipud iti National Disaster Risk Reduction and Management Council (NDRRMC), walo ti nadundunor ken maysa ti mapukpukaw gapu iti panagduprak ti bagyo Julian.
Adda met 43,093 a pamilia wenno katukad ti dandani 150,000 nga indibidual ti naapektaran manipud iti 552 a barangay iti Regions 1, 2, ken CAR.
Iti nadakamat a bilang, nasurok a 2,000 a tattao ti temporario nga agnanaed iti 58 nga evacuation centers.
Kabayatanna, 23 a siudad ken munisipyo ti Region 1 wenno Ilocos Region ti adda iti sidong ti State of Calamity.
Nairekord pay ti 85 partially damaged ken tallo ti totally damaged a pagtaengan.
Iti agdama, agtultuloy ti panangtulong ti gobierno kadagiti naapektaran iti Bagyo Julian no sadino a naiwaras ti P11-M a tulong a pakairamanan ti taraon, kawes, agas ken dadduma pay.
