Uppat ti nadunor iti panagdinnungpar ti motorsiklo ken traysikel iti barangay road idiay Paras, Candon City, Ilocos Sur.
Nabigbig ti drayber ti motorsiklo a ni Fermin Bistuyong Gabuyo, agtawen iti tallopulo ket tallo, taga-Barangay Butol, Santiago.
Ti met drayber ti traysikel ket ni Ruben Galapate Tañada, agtawen iti limapulo ket tallo, pasaherona da Winnie Gumabon Tañada, agtawen iti limapulo ket dua ken ni Christine Vannizalyn Tañada Geolagon, agpapada a taga-Barangay Paras.
Agpapadaya ti motorsiklo idin ta bigla a simrek ti traysikel iti nasao a kalsada a naggapu iti pagtaenganda ket saanna a nadlaw ti sumungad a motorsiklo gapu iti awan a headlight-na.
Pinadas a lisyan ti traysikel ngem napan iti akin-kannigid a linya isu a napasamak ti panagdinnungpar.
Natakuatan a nakainom ti drayber ti motorsiklo idi mapasamak ti aksidente.
