Maysa ti nadangran iti napasamak a vehicular traffic incident idiay along national highway, Barangay Calaoa-an, Candon City, Ilocos Sur.
Ti nagmaneho ti Yamaha Mio Aerox ket agtawen iti uppat a pulo ket sdua, mangngalap, residente ti Barangay Patpata 2nd iti nadakamat a siudad.
Ti met nagmaneho ti Toyota Tamaraw ket agtawen iti uppat a pulo ket tallo, empleyado ti gobierno, residente ti Barangay San Isidro, Candon.
Basar iti imbestigasion, ti Aerox ket agturong iti amianan a direksion idinto a ti Toyota ket aggapu iti daya a direksion a sumrek iti national highway and mapapati nga agpa-abagatan.
Impagarup ti drayber ti Toyota nga awan ti lugan iti abagatan a paset ti kalsada isu a ginandat na a sumrek iti national highway ngem idi madanon da ti nakapasamakan ti insidente, nagdinnungpar da iti motorsiklo.
Nagsagaba ti dunor iti agduduma a paset ti bagi ti drayber ti motorsiklo a naipan iti balay pagagasan para ti pannakataming-na idinto a saan a naan-ano ti drayber ti Toyota.
