--Ads--
Awan ti nadangran iti panagdinnungpar ti kotse ken van idiay national highway sakupen ti Barangay Paing, ili ti Bantay.
Ti nagmaneho ti Suzuki Dzire ket agtawen ti uppat a pulo ket lima, naasawaan ken residente ti Barangay San Antonio, Narvacan.
Ti met Isuzu Elf Reefer van ket minaneho ti agtawen ti limapulo ket tallo, naasawaan ken residente ti Brgy. 18, San Pedro, San Nicolas, Ilocos Norte.
Basar iti CCTV footage, agpada nga agturong iti amianan a direksion dagiti lugan a ti kotse ket adda iti right lane idinto a ti van ket adda iti left lane ket idi nagteng da ti kurbada a paset ti highway, immagaw ti linya ti van rason ti panagdinnungpar dagiti dua lugan.
-- ADVERTISEMENT --
Agpada a nadadael dagiti lugan ket saan a naan ano dagiti karaman iti insidente.
