Dua ti nadangran iti panagdinnungpar dagiti dua a motorsiklo iti barangay road ti Talogtog, Candon City, Ilocos Sur.
Ti Yamaha MioI 125 ket minaneho ti lalaki nga agtawen iti pitopulo ket pito, taga-Barangay Talogtog.
Ti met Honda Click 125 ket minaneho ti babai nga agtawen iti duapulo ket walo, taga-Barangay Darapidap.
Agpapa-abagatan dagiti dua a lugan ket idi magtengda ti nakapasamakan ti aksidente, nagsardeng ti Mio iti laud a paset ti kalsada ket nagsenyal nga agsikko iti kannigid.
Iti dayta a gundaway ket sumungad met ti Click nga adda iti likudan ket nagdinnungparda ti Mio.
Nadunor ti drayber ti Click ken naipaagas iti ospital para iti pannakatamingna idinto a ti drayber ti Mio ket nadunor ti kannigid a sakana ngem nagkedked nga agpaagas.
