Kumarkaru latta ti tension a mapaspasamak idiay Lebanon iti baet ti panagbinnales ti Hezbollah ken tropa iti Israel.
Iti pannaki-uman ti Bombo Radyo Vigan ken ni Bombo International News Correspondent Rowena Bagoyo nga adda idiay Lebanon, kayat ti Israel nga ibusen amin a kameng ti Hezbollah isu nga agtultuloy ti panagtargetda kadakuada babaen iti panagaramatda ti agduduma nga air asset-da.
Segun ken ni Bagoyo, saan laengen a ti paset iti South Lebanon iti pakaisaysayangkatan ti airstrike ta uray iti North Lebanon ket maipab-pabantoan.
Nupay kasta, siniguradona ti kinatalged iti sentro iti Lebanon ta adayo manipod ti rinnupak.
Nu ibasar iti bilang ti napapatay ita ngem idi 2006 conflict ket ad-adu nga amang ita ta umab-aboten iti tallo ribo ti death toll.
VIDEO – BINC ROWENA BAGOYO
Kabayatanna, pinasingkedan ni Bagoyo a siam a pulo ket innem a Pilipino ti nagpalistan nga agrepatriate ket mayor-uray laengen ti panagbiaheda kagiddan ti pannakasimpa ti Chartered flight para kadakuada.
Impanamnamana a natalged dagiti Pilipino iti nasao a pagilian ta saan ida a baybay-an iti embahada.
VIDEO – BINC ROWENA BAGOYO
