VIGAN CITY – Adadu ti nadadael iti sektor ti agrikultura ti panagbettak ti bulkang kanlaon idi 2003 nu yarig ita a tawen.
Iti pannaki-uman ti Bombo Radyo Vigan ken ni Kapitan Ramil Velando manipod Barangay Pula, Canlaon City Negros Oriental, kakaroanen a nadadael ti panagbettak ti bulkang kanlaon ket idi June 3, 2003 ta nabayag sakbayda a nakarecover gapu kadagiti natay a mula.
Segun ken ni Velando, narigatanda idi a nagmula manen gapu sulfur wenno asupre nga inruar ti bulkan a makaapektar ti salun-atda.
Kinunana pay a nu maipapan ti kapapasamak a panagbettak ti bulkan ket saan laeng a residente nu diketdi pati taraken ket apektado ta adu dagiti agsubsubli kadagiti pagtaenganda ta saana a mapanawan dagiti tarakenda.
Adda pay tallo a residente nga asideg ti danger zone ti saanda a kayat iti pumanaw isu a kanayonda a balakadan ida a sumurot ti bilin tapno saanda a maisagmak.
VIDEO – KAPITAN RAMIL VELANDO
Kabayatanna, nagyaman ni Velando ken ni Canlaon City, Negros Oriental Mayor Jose Chubasco Cardenas gapu ti napaspas a panangtulongda kadagiti umili a naapektaran ti panagbettak ti bulkan.
VIDEO – KAPITAN RAMIL VELANDO
