--Ads--
Pinasingkedan ni Philippine Ambassador to the US Jose Manuel “Babe” Romualdez nga awan ti agbaliw iti pannakaipatungpal ti Mutual Defence Treaty iti nagbaetan ti Pilipinas ken Amerika uray no adda maipatugaw kas baro a Presidente ti US.
Ti Mutual Defence Treaty ket pinirmaan ti Manila ken Washington idi 1951 a maysa a defence pact a ti dua a pagilian ket tumulong a mangidepensa iti tunggal maysa.
Segun ken ni Romualdez, no mangabak ni Kamala Harris, namnamaen dagiti Pilipino ti isu met laeng a relasion ti Pilipinas ken US bayat ti administrasion ni US President Joe Biden.
Ngem no ti agtakem ket ni Donald Trump, mabalin nga adda dagiti panagbalbaliw iti economic front, ngem awan ti agbaliw iti defence ties iti nagbaetan ti US ken Pilipinas.
-- ADVERTISEMENT --
