--Ads--
Innem nga indibidwal ti natay ken tallo ti mapukpukaw kalpasan a nabaliktad ti motorboat idiay Lake Mapanuepe, San Marcelino, Zambales, segun iti Philippine Coast Guard.
Mapattapatta a 13 a kameng ti Aeta Community ti naglugan iti motorbanca idi napasamak ti insidente.
Maibasar iti inisial nga imbestigasyon, napigsa nga angin ken darakkel a dalluyon ti posible a makagapu iti pannakabaliktad ti motorbanca.
Nagturong dagiti pasahero tapno umawat ti taraon ken agas kasta pay a makipaset iti programa ti health center a panagpa-bakuna.
-- ADVERTISEMENT --
Agtultuloy ti search and rescue operations ti PCG tapno masarakan dagiti tallo pay a mapukpukaw a pasahero.
