VIGAN CITY– “Nakababain”, dayta ti reaksyon ni Albay Rep. Edcel Lagman iti panagbaba ti rangko ti Pilipinas iti syam a puntos iti World Competetiveness Yearbook 2018.
Manipud ngamin iti dati a maika uppat a pulo ket maysa a pwesto ket addan iti maikalima pulo a pwesto ti Pilipinas manipud kadagiti innem a pulo ket tallo a pagilian a karaman iti record.
Segun kenni Lagman, dakkel a pangta daytoy iti administrasyon ni Presidente Rodrigo Duterte agsipud ta mapagamakan a dakkel ti negatibo nga epekto na nangruna iti ekonomiya.
Maipalagip a maibasar iti maudi a record ket adda iti kangatuan a rangko ti USA a sinarano ti Hong Kong ken Singapore.
Ti rangko ket maibasar iti performance ti ekonomiya,government efficiency, business efficiency ken imprastraktura iti maysa pagilian.
