Pinasingkedan ni Commission on Audit (COA) auditor iti impeachment court nga “irregular” ti panag-gastos ti Office of the Vice President ti P125 milyon confidential funds iti uneg ti sangapulo ket maysa nga aldaw gapu ta kurang dagiti dokumento a mangsuporta kadagiti ginastos.
Iti agtultuloy nga impeachment trial ni Vice President Sara Duterte, pinasingkedan ni Xylene Mae Del Campo ti COA Intelligence and Confidential Funds Audit Office, a nagaramat ti OVP ken Department of Education (DepEd) ti kabuklan a P612.5 milyon confidential funds.
Ngem saan a maipagarup a nakaited ti naan-anay a dokumento tapno paneknekan a nagbalin a balligi ti maibag-baga a security operations dagiti ahensia.
Sinaludsod pay ni Senator-judge Kiko Pangilinan ni Del Campo no apay a masapul a gastoen ti OVP ti buo nga P125 milyon iti uneg laeng ti 11 nga aldaw.
Insungbat met ni Del Campo, aniaman a paset ti P125 milyon confidential fund ti OVP a saan a nagastos agingga Disyembre 31, 2022 ket masapul a maisubli iti National Treasury.
