Saan pay kaeng a maibilang a naval blockade iti baet iti umad-adu a bilang dagiti barko iti China idiay Ayungin ken Escoda Shoal idiay West Philippine Sea.
Segun ken ni Philippine Navy Spokesperson for the West Philippine Sea Rear Admiral Roy Vincent Trinidad, mayannatup nga awagan ti ngimmato a presensya dagiti barko iti China nga ICAD wenno illegal, coercive, aggressive ken deceptive.
Naamoan a ti naval blockade ket maysa nga act of war a regulated iti International Law.
Maibasar iti listaan idi September 17 agingga September 23, idiay Ayungin Shoal ket nakapwesto iti innem a pulo ket dua a Chinese maritime militia vessels, siam iti Chinese Coast Guard vessels ken maysa a research vessels.
Idiay Sabina Shoal ket nakita iti limapulo ket lima a Chinese maritime militia vessels, sangapulo ket innem a Chinese Coast Guard vessels ken sangapulo ket maysa a People’s Liberation Army Navy.
Ikonsiderar iti gobierno iti dadduma nga option tapno masolbar iti agtultuloy nga illegal a presensya dagiti barko idiay China iti West Philippine Sea.
