Target ti Pilipinas ken Japan nga i-revisit ti panagadal idi 2014 maipanggep ti epekto iti napigsa a ginggined manipod West Valley fault.
Segun ken ni Dr. Teresito Bacolcol a direktor ti Philippine Institute of Volcanology and Seismology (PHIVOLCS), target a malukatan manen iti nasao a panagadal iti nagbaetan iti Japan International Cooperation Agency (JICA) inton sumaruno a tawen ta mannarimaanen iti patangan ti nasao a banag ken mayur-uray laengen iti sumagmamano a pirma.
Ti nasao a panagadal ket duapulo a tawenen ken manipod idi, umad-adun ti populasyon idiay Metro Manila.
Kinuna ni Bacolcol, naisayangkat idi 2004 ti panagadal a naawagan a Metro Manila Earthquake Impact Reduction study a pinondoan iti Japan a nakailatagan ti risk assessment iti posible a magnitude 7.2 a ginggined manipod West Valley Fault.
Pinasingkedan ti opisyal a nu aggaraw ti West Valley Fault, makarikna iti intero a rehiyon iti intensity 8 a panagdayyeg a mabalin a makadadael.
