VIGAN CITY- Patien ti Macabayan bloc a lapped iti media independence iti panagcover da kadagiti anti-illegal drug operations iti panagbalin da a testigo kadagiti nasao nga operasyon isu nga inpila da ti House Bill 8832 a mangamyendar iti Section 1 ti Republic Act 10640 wenno “An Act to Further Strengthen the Anti-Drug campaign of the Government”.
Ti exclusive interview ti Bombo Radyo Vigan kenni Bayan Muna Partylist Rep. Carlos Isagani Zarate, babaen iti gakat ket mapagtalinaed ti patas a panagipadamag dagiti journalist kadagiti operasyon ti iligal a droga ken agserbi a proteksyon iti biag da nangruna no ti target ti operasyon ket dagiti drug lords.
Innayonna a nangbukel da ti gakat gapu kadagiti naawat da a report manipud iti National Union of Journalists of the Philippines (NUJP) inaig iti mapapati a panangpilit dagiti otoridad kadagiti media personnel nga agperma kas witness iti operasyon ken iti inventory kadagiti makumpiskar a banag.
