Dua ti natay iti pammaltog a napasamak iti maikapat a kadsaaran iti Ateneo de Zamboanga University Junior High School Campus.
Maibasar iti imbestigasion, maysa a Grade 7 student ti maatap a suspek a nagaramat iti dua a klase ti paltog a pakairamanan ti 9mm ken assault long arm rifle iti uneg ti pasdek.
Nangngegan ti nagsasaruno a putok ti paltog iti nasao a kadsaaran a nangitundaan iti buteng iti intero a campus.
Dagiti biktima ket ni Patrick Dylan Wee, grade 10 student a nasarakan nga awan biagna iti maikapat a kadsaaran idinto a ti suspek ket ni Mohammad Mael Jalani, Grade 9 student a nangpaltog met laeng iti bagina kalpasan ti pammaltog.
Alas syete singkwenta iti agsapa idi napasamak ti insidente nga awan ti nalawag a probokasyon ken nagpaputok iti uneg ti classroom.
