Impaganetget ni Atty. Ade Fajardo nga abogado ken spokesperson ni dati a House Speaker Ferdinand Martin Romualdez a dagiti pammabasol nga inlanad dagiti sumagmamano a testigo idiay Senado kontra ken ni dati nga speaker ket lohical ken pisikal nga imposible.
Segun ken ni Fajardo, mismo a ni Curlee Discaya iti nagtestigo iti salinong ti panagsapata a saan isuna a nakastrek iti South Forbes Park, isu nga imposible nga adda inasitgan wenno nabilin isuna.
Kinunana a dagiti pammabasol ket nagtaud laeng kadagiti kameng ti maysa a napapanaw a tenant ken awan iti pagbasaran a dokumento nga ebidensya.
Kinunana pay nga awan ti nagan ni Romualdez iti aniaman a deed, kontrata wenno rekord iti bayad maipanggep iti nasao a sanikua.
Impaganetget ni Fajardo nga agpapada a hearsay ken posible a perjured statements laeng dagiti pammabasol ken awan iti aniaman nga umdas nga ebidensya maipanggep ti nasao a banag.
