Umabot iti 3,537,686 a tattao wenno 936,566 a pamilia ti naapektaran iti Southwest Monsoon wenno Habagat, Tropical Cyclones Mirasol, Nando, ken Opong, maibasar iti National Disaster Risk Reduction and Management Council.
105,611 a tattao wenno 29,234 a pamilia manipud iti pakabuklan a naapektaran a populasion ket agtaltalinaed kadagiti evacuation center, idinto nga 82, 947 a tattao wenno 21,804 a pamilia ti kimmamang kadagiti sabali a lugar.
Kaaduan kadagiti naapektaran a populasion ket idiay Bicol a 1,296,134 sarunwen ti Bangsamoro Autonomous Region in Muslim Mindanao nga adda 519,650 ken Western Visayas a 461,404.
Nangitunda iti layus, storm surge, pannakarebba dagiti istraktura, landslide, tornado, aksidente, ken pannakalmes kadagiti apektado a rehion ti habagat ken dagiti tallo a bagyo.
