VIGAN CITY – Maysa nga armscor caliber 45, magazine ken tallo a bala para ti caliber 45 iti naala iti uneg iti pagtaengan ni Rogel Balague nga agtawen ti lima pulo idiay Paras, Candon City idi alas syete iti agsapa idi kalman, October 29.
Ti pannakasukimat iti pagtaengan ni Balague ket insayangkat ti nagtipon a puwersa ti Criminal Investigation and Detection Group – Ilocos Sur, Candon City police station nga idaulwan ni Police Lt. Col. David Dulnuan ken 103rd MARPSTA.
Ikot dagiti otoridad ti search warrant nga inparuwar ni Hon. Maria Balloguing, executive judge ti Regional Trial Court, Branch 20, Vigan City inaig iti panaglabsing ti Republic Act 10591 wennu Comprehensive Firearms and Ammunition Regulation Act.
Ti agdama, ikoten ti Candon City PNP ni Galvez ken dagiti naala iti uneg iti pagtaengan na nga ebidensiya.
