--Ads--
VIGAN CITY- Sumurok-kumurang sangagasut a ribo a pisos iti mapatta-patta a gatad dagiti nadadael gapu ti pannakauram ti pagtaengan da Diego Quilondrino, agtawen iti tallo pulo ket uppat, trabahador ti small town lottery ken taga- Burgos, Sta. Lucia.
Segun ken ni Senior Fire Officer 1 Benedict Soria, team leader ti Bureau of Fire Protection- Sta. Lucia, mapapati a ti lutlutwen dagiti bumalay iti nagtaudan ti uram kas maibasar iti inisyal a report ngem agtultuloy iti imbestigasyon dagiti otoridad.
Nu pay kasta, manarimaan pay laeng iti naun-uneg nga imbestigasyon dagiti otoridad iti pasamak.
