VIGAN CITY – Naduma-duma nga alahas, cellphone, laptop ken kwarta iti tinakaw dagiti dua a saan pay nabigbig a suspek a simrek iti pagtaengan a banbantayan ni Zenaida Gamboa Fernandez nga agtawen iti tallo pulo ket walo, naasawaan ken agnaed idiay Casilagan Norte, Banayoyo idi May 2.
Maibasar iti inisyal nga imbestigasyon, nakita dagiti otoridad iti CCTV a nagna iti akin-daya a paset iti alad iti pagtaengan dagiti dua a lallaki a nakaabungot iti improvised ski-mask idi ala una baente kwatro ti parbangon idi kalman ket nakastrek da babaen ti sliding door iti akin-daya a paset iti pagtaengan a mapapati a saan a nakaserra a naimbag.
Idi nakastreken dagiti suspek, insigida a linukatan da dagiti drawer ket innala da dagiti linaon na.
Ti agdama, manarimaan pay laeng iti imbestigasyon iti pasamak tapnu maamuan ti pakabigbigan dagiti suspek ken nu manu ti pakabuklan a gatad na dagiti natakaw nga alikamen.
