VIGAN CITY- Dimmapo dagiti gamit ken awan iti nagbanagan ti pagtaengan da Reynald Gonzales, agtawen iti tallo pulo ket maysa ken taga Sabang, Cabugao, gapu iti pannakauram na.
Segun kenni Fire Senior Inspector Cesar Ragasa ti Bureau of Fire Protection (BFP)- Cabugao, imimbestigaran pay laeng dagiti otoridad iti nagtaudan ti uram a nadaras a nagkayamkam agsipud ta naaramid laeng iti light materials iti pagtaengan a kas iti pan-aw ken labig.
Naammuan nga awan iti bukod na a koneksyon ti kuryente da Gonzales no di ket makikonkonektar da laeng iti kaaruba na a ni Melody Gonzales.
Gapu met iti buteng iti kaaruba ni Gonzales a ni Melody, inruar da iti bangkay a nakaimasayag iti uneg iti pagtaengan da ta iti ammo da ket mairaman a mauram iti pagtaengan da.
