VIGAN CITY – Pinasagidan ti National Irrigation Administration dagiti Local Government Unit gapu iti nakaro a layus idiay Cagayan Valley gapu iti bagyo Ulysses ken ti naigiddan a pannakaibuang ti danum idiay Magat dam.
Iti pannaki-uman ti Bombo Radyo Vigan ken ni Administrator Ricardo Visaya, sakbay nga ipabasulda iti NIA ti layus a napasaran ti nasao a probinsia ket rumbeng nga impatungpalda ti anti illegal logging ken anti illegal mining a patienna a rason iti pannakadadael dagiti sanikua ken pannakatay dagiti residente gapu iti epekto ti bagyo.
Inkalintegan ni Visaya a saanda a nagkurang iti pannakikinnammayetda kadagiti LGUs, Office of the Civil Defense ken Provincial Disaster Risk Reduction and Management Council iti inflow ken outflow ti danum iti nasao a dam babaen kadagiti nadumaduma a plataporma a kas iti social media, text messages ken email.
1987 pay laeng idi adda panagadal no kasano a maisimpa ti Cagayan river ngem nasurok tallopulo a tawenen ti naglabas ket awan pay laeng ti tignay dagiti opisial.
Nupay kasta, nawaya ti ahensia numan bilang maimbestigaranda inaig ti isyu ken nakasaganada a dumepensa iti korte.
