VIGAN CITY– Inaklon dagiti dwa menor de edad nga isuda iti nagtakaw iti uneg ti Comillas North Elementary School idiay Cervantes , Ilocos Sur kalpasan iti pannakakemmeg da.
Segun ti report ti Cervantes Municipal Police Station, dinadael dagiti dwa a suspek nga agtawen ti 13 ken 11 ti tawa ti comfort room iti likod ti principal’s office a simrekan da ket dita a tinakaw da dagiti gamit ken kuarta a san pay a nadetermina no mano iti gatad na.
Sinerrek pay dagiti suspek ti computer room ngem awan iti naala da nga alikamen.
Aglibas kuman dagiti dwa idi nasiputan isuda ti helper a ni Nicasio Aguilar nga iggem da ti flashlight ken music box a naabbungan ti tela isu a nagdudua ket dinamag na ti nagan da.
Nakemmeg dagiti suspek ket naidatag da iti prinsipal iti pagadalan a ni Esmeralda Gaburno kalpasan na ket naipakustodiya kadagiti kameng ti Municipal Social Welfare Office.
