Pinasingkedan ti Department of Education (DepEd) nga immadu pay dagiti pagadalan ti nangisanud ti panaglukatda ti klase para ti School Year 2024-2025 kasaruno ti panagduprak ti Bagyo Carina ken Southwest Monsoon.
Manipod ti 738 a pagadalan ket ngimmato ti 1,002 ti pagadalan a saan pay nga aglukat.
225 a pagadalan wenno 27.20% idiay National Capital Region ti aglukat kalpasan ti July 29; iti met Region 1 ket 331 a pagadalan ti agkulat kalpasan ti July 29 ngem saan a naladladaw ngem August 5; dagiti met 442 a pagadalan idiay Region III ket aglukat kalpasan ti July 29; ken uppat idiay Region 12 iti aglukat inton August 5.
Inlawlawag ti DepEd a ti pannakasanud ti panaglukat ti klase dagiti nasao a pagadalan inton bigat, July 29 ket para ti cleanup ken rehabilitation activities.
