VIGAN CITY – Naikkat iti puesto ni Fr. Alfonso Valeza kas Parish Administrator ti St. Joseph Parish idiay Gagalingin, Tondo gapu iti “defiance” wenno ti agtultuloy a saanna a panangsurot kadagiti bilin ni Manila Archbishop Jose Cardinal Advincula nupay namin-anon a naballaagan.
Nasuspenso pay ti “priestly faculties” ni Fr. Valeza a mangisayangkat kadagiti aramidenna kas padi kas ti panagmisa ken panangited kadagiti sakramento sipud Hunyo 5.
Kabayatanna, nangbukel ti Parish Administration Team ti Archdiocese of Manila ket nadutukan da Fr. Reginald Malicdem, Rev. Fr. Nolan A. Que, Rev. Fr. Gilbert Kabigting tapno mangimaton iti St. Joseph Parish.
Nagpanawagan met ti Archdiocese of Manila kadagti agpammati t St. Joseph Parish a sumurot ken makitinnulong kadagiti baro a mangimaton iti parokya.
