--Ads--
Naduktalan ti Department of Agriculture dagiti substandard ken ghost a farm-to-market roads idiay Davao Occidental ken Zamboanga del Norte, maibasar iti agtultuloy nga audit kadagiti proyekto a naipatakder idi 2021 ken 2022 iti salinong ti Department of Public Works and Highways.
Idiay Davao Occidental, nadiskubre dagiti ‘ghost’ a farm to market roads wenno dagiti kalsada a naireport a nalpas ngem awan met iti aktwal.
Idiay Zamboanga del Norte, maysa a kalsada ti naaramid ngem awan ti sementona isu a saan a naaramat.
Segun ken ni Agriculture Secretary Francisco Tiu Laurel, naipadanonen daytoy ken ni Presidente Marcos ken posible a nagtaud idi napalabas nga administrasion ti parikut.
-- ADVERTISEMENT --
