Nasurok-kumurang 9.15 a gramo wenno aggatad iti P62,000 iti mapapati a shabu iti naala manipod iti Street Level Individual a nakemmeg iti naisayangkat a buy-bust operation iti siudad ti Vigan, Ilocos Sur.
Ti suspek ket agtawen iti uppat a pulo ket walo, naasawaan nga agnaed iti ili ti San Juan.
Iti pannaki-uman ti Bombo Radyo Vigan ken ni PLt. Florian Follante manipod Vigan City Police Station, ti suspek ket nakemmeg idi 2019 iti ili ti San Juan gapu met laeng iti droga ket iti pannakaidalanna manen iti surveillance isun ti pannakaduktal dagiti otoridad iti panagsublina iti nasao nga aktibidad.
Segun ken ni Follante, immamin ti suspek nga agtataud idiay Caloocan dagiti shabu nga ilaklakona iti siudad.
Naala kenkuana ti mapapati a shabu a naipan iti siam a babassit a piraso iti heat-sealed transparent plastic sachets; dua a piraso iti P1,000 a nagserbi a buy-bust money; maysa a unit iti cellphone; maysa a nangisit nga sling bag; maysa a bassit a brown pouch; pito a piraso iti bassit nga aluminum foil; maysa a pakete iti empty plastic sachet; ken uppat a piraso iti napisang nga small plastic sachet.
