Pinirmaanen ni Presidente Ferdinand Marcos Jr ti P6.79 trillion a national budget para iti 2026.
Naisayangkat ti ceremonial signing iti Republic Act 12314 wenno 2026 General Appropriations Act idiay Malakanyang.
Kaddakelan ti education sector a nailatangan iti pondo nga umabot iti P1.345 trillion para kadagiti baro a teaching ken non-teaching plantilla, promosyon dagiti mangisursuro ken pannakaipatakder dagiti klasrum.
P448.125 billion met ti nailatang para iti salun-at tapno maital-o ti universal healthcare, agraman ti pondo para iti Philhealth, Zero Balance Billing, ken dadduma pay a programa.
Kabayatanna, umabot iti P92.5 billion a paset iti Unprogrammed Appropriations ti in-veto ni Marcos tapno mapaingetan ti panagaramat iti pondo ken mapabileg ti fiscal discipline.
