Pinasingkedan ni House prosecutor spokesman ken Kabataan party-list Rep. Renee Co a ti mangpadpadagsen ti impeachment case ni Vice President Sara Duterte ket ti P6.7 billion a naipan iti bank account-da ken ti asawana a ni Atty. Manases Carpio.
Natalek ni Co a dayta iti mangimameg ti bise presidente no saanna a maipalawag no nakaipanan a bank account iti binilion a kuartada nga agasawa.
Iti immuna nga impeachment case ni Duterte iti 19th Congress, saan a karaman ti unexplained wealth ni Duterte ngem nakalkal dauyta iti maikadua nga impeachment complaint isu a karamanen iti uppat nga article of impeachment a pakairamanan ti panangpangta iti biag ti presidente, panangpasuksok kadagiti opisyal ti Department of Education (DepEd) ken pananggastos ti Confidential Funds.
Maipalagip a kinumpirmaran ti Anti-Money Laundering Council (AMLC) iti House committee on justice idi impeachment proceedings a P4.4 billion ti simrek iti bank account dagiti agasawa manipod 2006 agingga 2025 a ti nasao a gatad ket P1.5 billion iti nairuar.
