--Ads--
Umabot iti 337, 476 a mangmangged iti pribado a sektor idiay Central Visayas ti magunggonaan iti P42 a nayon a minimum wage kalpasan nga inaprubaran ti National Wages and Productivity Commission (NWPC) ti wage order para iti rehiyon.
Segun iti Department of Labor and Employment (DOLE), agbalin nga epektibo ti baro a wage rates inton Oktubre 14.
Iti salinong ti baro a wage order, agbalin a P582 kada aldaw ti minimum wage kadagiti lugar a karaman iti Class A, idinto a P542 met ti kada aldaw iti Class B areas.
Sakop ti wage increase dagiti mangmangged iti pribado a sektor idiay Cebu, Bohol, Negros Oriental ken Siquijor.
-- ADVERTISEMENT --
