Umabot iti 5,005 a mannalon ti makaganar iti P35 million a gatad ti insurance payout para kadagiti mannalon a nakaro a naapektaran iti bagyo ken habagat.
Segun iti Philippine Crop Insurance Corporation, dagiti mannalon nga adda insured a pagtalonanna a naapektaran kadagiti bagyo Luis ken Maymay, kasta payen ti habagat, manipud iti Agosto 1 ken 11.
Segun ken ni Agriculture Secretary Francisco Tiu Laurel Jr., maibasar iti report ni PCIC President Jovy Bernabe, binilinen dagiti state crop insurer dagiti regional office-da a mangisayangkat iti validation kadagiti nadadael ken paalistwen ti panangiproseso kadagiti claim.
Maibasar iti inisyal a patta, umabot iti P35.67 milion ti insured damage kadagiti innem a rehion.
Kaaduan a mannalon a naapektaran iti Region 3 a 1,886, sinaruno ti Region 1 a 1,218 ken Region IV-B nga 836.
