Nagpanawagan ni House Deputy Speaker ken Trade Union Congress of the Philippines Partylist Rep. Raymond Democrito Mendoza ken ni Presidente Ferdinand Marcos Jr. a sertipikaran nga urgent ti gakat para iti P200 a nayon iti inaldaw a sueldo dagiti mangmangged iti pagilian.
Apela ni Mendoza ken ni Presidente Marcos a saanen nga urayen ti agbalin a decision dagiti regional wage board sakbay a malpas ti agdama a tawen.
Innayon pay ni Mendoza a dakkel ti maitulong iti bumumbuntog a taray ti ekonomia no mapapigsa ti kabaelan a gumastos iti kada pamilia a Pilipino.
Iti dua tawen a nabatbati iti administrasion ni Marcos ket saan a makanay a rambakan ti Pilipinas ti panagbalinna nga upper-middle income country no saan a marikna ken maganar dagiti mangmangged a Pilipino.
