Naituding nga ilako ti Department of Agriculture ken ti Department of Migrant Workers, ti P20 per kilo ti bagas kadagiti Overseas Filipino Worker ken kadagiti pamiliada iti Kadiwa ng Pangulo iti DMW central office idiay Mandaluyong City.
Segun ken ni DMW Secretary Hans Leo Cacdac, kayatna a maaddaan iti access dagiti OFW ken kadagiti pamiliada iti nalaka a bagas a marikna kadagiti komunidad.
Agtinnulong ti DMW ken DA iti panangipaay iti komprehensibo a suporta ken teknikal a tulong kadagiti prospective OFW ‘agri-preneurs’ kas paset iti entrepreneurship development initiatives iti salinong ti national reintegration program para kadagiti OFW ken iti pamiliada.
Innayon ni Cacdac a ti sektor ti agrikultura ket napateg a gundaway iti negosyo ken pagpuunan para kadagiti OFW ken ti DMW ket makikaysa iti DA iti panangiduron iti agri-business.
