Inallukoy ni acting Senate President ken Senate President Pro-Tempore Win Gatchalian nga aramaten ti gobierno ti P180 billion available funds iti salinong ti 2026 national budget para iti reconstruction ken pangtulong kadagiti biktima iti ginggined idiay Mindanao.
Impaganetget ni Gatchalian iti pagkasapulan iti insigida a pannaka-aramat iti nabatbati a P17.898 billion iti salinong ti National Disaster Risk Reduction and Management Fund (NDRRMF) a kangrunaan a funding source para ti disaster response, relief, rehabilitation, reconstruction ken recovery efforts.
Nakaipauneg pay iti P180 billion ti nasurok P32 billion iti salinong ti Local Government Support Fund (LGSF)- Financial Assistance to Local Government Units, umabot P16 billion Contingent Fund ken nasurok P8 billion a Quick Response Fund iti agduduma nga ahensya.
Karaman pay iti nabatbati a pondo para iti social services.
Kabayatanna, ur-urayen ti Senado ti agbalin nga assessment iti executive branch iti sitwasyon idiay Mindanao tapno maammoan no kasapulan pay laeng ti agkiddaw ti special session tapno makaipasa ti supplemental budget para ti rehabilitation ken reconstruction idiay Mindanao.
