--Ads--
Awan ti makitkita a constitutional crisis ti Malakanyang iti baet ti agtultuloy a tension iti liderato ti Senado.
Daytoy ti pinasingkedan ni Palace Press Officer Claire Castro kalpasan a masaludsod no posible a mapasamak ti constitutional crisis iti panaginnagaw iti liderato ti Senado, kangrunaan iti patangan ti special session ken impeachment trial.
Segun ken ni Castro, nalawag ti takder ti ehekutibo a ni Acting Senate President Win Gatchalian ti bigbigen a lider ti Senado.
Innayon ti opisial nga aniaman a posible a parikut iti pannakaipatungpal ti addang ti Senado ket patanganen dagiti senador ken saan a ti ehekutibo.
-- ADVERTISEMENT --
