--Ads--
Nagpanawagan manen ti Teachers’ Dignity Coalition iti P15,000 a nayon a sueldo para iti nasurok maysa milion a mangisursuro ken empleado ti Department of Education.
Segun ken ni TDC chair Benjo Basas, kabaelan a baklayen ti gobierno ti P210 bilion a mainayon no mailatang a husto ti badyet- nabab-baba pay ngem iti P346 a nailatang para iti flood control project iti 2025 a mapapati nga adda met laeng anomalyana.
Nadakamat ni Basas ti Senate Bill 211 nga impila ni Senador Risa Hontiveros a mangituding iti phased salary increase a P6000, P10,000 ken P15,000.
Inallukoyna pay ti gobierno a mayakar ti paset ti pondo manipud iti flood control, intelligence, ken GOCCs a maipan iti edukasion, salun-at ken pagbiagan.
-- ADVERTISEMENT --
